عالمی شہرت یافتہ فٹبالرز کرسٹیانو رونالڈو اور لیونل میسی کے پرستاروں نے غزہ میں جاری اسرائیلی جارحیت کے خلاف فلسطینیوں کی حمایت میں آواز اْٹھانے کا مطالبہ کردیا۔
اسٹارز فٹبالرز کرسٹیانو رونالڈو اور لیونل میسی کے صرف انسٹاگرام اکاؤنٹس پر ہی 1 ارب سے زائد فالوورز ہیں جبکہ دیگر سوشل میڈیا سائٹس پر موجود مداحوں کی تعداد الگ ہے۔ یہی وجہ ہے کہ لوگ چاہتے ہیں کہ وہ فلسطینیوں کے لیے آواز اپنی اٹھائیں اور زیادہ سے زیادہ لوگوں کو فلسطین کے معصوم لوگوں پر ہونے والے مظالم کے بارے میں پتہ چل سکے۔
اسرائیل نے 7 اکتوبر سے شروع ہونے والی یکطرفہ جنگ میں 12 ہزار سے زائد فلسطینیوں کو شہید کردیا ہے، جس میں شہادتوں کی بڑی تعداد خواتین اور بچوں کی ہیں۔
واضح رہے کہ آئی سی سی ورلڈکپ میں قومی کرکٹر محمد رضوان کی جانب سے سری لنکا کیخلاف جیت کر بعد مین آف دی میچ کا ایوارڈ فلسطینیوں کے نام کیا تھا، جس کے بعد اسرائیل سمیت بھارتی نیوز چینلز نے بھی انہیں آڑے ہاتھوں لیا تھا۔