امریکی ریاست مینیسوٹا کی ایک خاتون نے ایک منٹ میں پیروں پر 30 تلواریں متوازن کرکے گنیز ورلڈ ریکارڈ کا اعزاز حاصل کرلیا۔
میڈیا رپورٹس کے مطابق مینیسوٹا کے قصبے ایڈینا سے تعلق رکھنے والی ایرن ہنٹر نے بتایا کہ انہوں نے تلواروں میں توازن برقرار رکھنا 2004 میں سیکھنا شروع کیا، جب انہوں نے مشرق وسطیٰ کے ڈانس کی کلاسیں لینا شروع کیں اور کئی سالوں میں انہوں نے اپنے جسم پر ایک یا دو تلواروں کو بیلی ڈانس کے معمولات میں متوازن کرنے کی پریکٹس کی۔
انہوں نے بتایا کہ 30 تلواروں میں توازن برقرار رکھنا اس سے زیادہ مشکل تھا جتنا میں نے سوچا تھا۔ کچھ عضلات کو آرام دہ رہنے کی ضرورت ہوتی ہے تاکہ تلواریں ٹکرا نہ پائیں جس سے ان کے پھسلنے کے امکانات بڑھ جاتے ہیں۔
خاتون نے یہ بھی کہا کہ انہوں نے اپنی تکنیک کو بہتر بنانے کے لیے ہفتے میں کئی بار فی سیشن 15 سے 30 منٹ تک تربیت حاصل کی۔