بیجنگ: چین میں 9 اعلیٰ فوجی اہلکاروں کو پارلیمنٹ سے برطرف کردیا گیا۔
غیرملکی میڈیا کے مطابق چین کی پارلیمنٹ سے جن 9 فوجی اہلکاروں کو برطرف کیا گیا ہے ان میں اسٹرٹیجک میزائل یونٹ سے منسلک 4 جرنیل بھی شامل ہیں۔ یہ برطرفیاں نئے وزیردفاع کی تعیناتی کے بعد عمل میں آئی ہیں۔
چین کی سرکاری خبر ایجنسی کا کہنا ہے کہ نو منتخب 9 فوجی اہلکاروں کو اچانک برطرف کرنے کی مزید تفصیلات جاری نہیں کی گئی ہیں۔ رواں سال اکتوبر میں چین کے وزیردفاع لی شانگفو کو اچانک اُن کے عہدے سے برطرف کر دیا گیا تھا اور اس کے بعد سے اُن کے بارے میں کوئی اطلاع نہیں کہ وہ کہاں ہیں۔