کراچی: عالمی مارکیٹ میں سونا سستا جب کہ اس کے برعکس مقامی سطح پر سونے کی قیمت میں اضافہ ہوگیا۔
بین الاقوامی بلین مارکیٹ میں فی اونس سونے کی قیمت 4ڈالر کی کمی سے 2060 ڈالر کی سطح پر پہنچ گئی۔
دوسری جانب مقامی صرافہ مارکیٹوں میں جمعہ کے روز 24قیراط کے حامل فی تولہ سونے کی قیمت 500روپے بڑھ کر 2 لاکھ 20 ہزار 500 روپے ہو گئی۔
دریں اثنا سونے کے نرخوں کے برعکس ملک میں فی تولہ چاندی کی قیمت بغیر کسی تبدیلی کے 2620روپے اور فی 10 گرام چاندی کی قیمت بھی بغیر کسی تبدیلی کے 2246.21روپے پر مستحکم ہے۔