ڈالر کے مقابلے میں پاکستانی روپیہ مسلسل تگڑا ہو رہا ہے، جبکہ اسٹاک مارکیٹ میں بھی نئے ریکارڈ قائم ہونے کا سلسلہ برقرار ہے۔
جمعرات کو کاروبار کے آغاز پر انٹر بینک میں ڈالر مزید 44 پیسے سستا ہو گیا جس کے بعد ڈالر کی قیمت 283 روپے ، 70 پیسے ہو گئی۔ گزشتہ روز انٹر بینک میں ڈالر 284 روپے 14 پیسے پر بند ہوا تھا۔دوسری جانب اسٹاک مارکیٹ میں زبردست تیزی دیکھی گئی ، کاروبار شروع ہوا تو پاکستان اسٹاک ایکسچینج کے 100 انڈیکس میں 447 پوائنٹس کا اضافہ ریکارڈ کیا گیا ، جس کے بعد انڈیکس 64 ہزار 365 پوائنٹس کی سطح پر پہنچ گیا۔