انقرہ: ترک فٹبال کلب کے صدر نے ریفری کے منہ پر گھونسا جڑ دیا۔
ترکیہ میں ایک ٹاپ فٹبال کلب انقرہ گوکو کے صدر فاروق کوکا نے میچ ڈرا ہونے پر میچ ریفری حالیل امت میلیر پر حملہ کردیا، فائنل وسل کے بعد وہ تیزی سے میدان میں داخل ہوئے اور ریفری کے منہ پر گھونسا جڑ دیا، جس سے وہ نیچے گرے تو فاروق کے ساتھ موجود افراد نے ریفری کو ٹھوکریں مارنا شروع کردیں۔
دیگر حکام اور سیکیورٹی حکام نے حالیل کو چھڑوایا، فاروق کو پولیس نے گرفتار کر لیا، ترکیہ کے صدر طیب اردگان نے بھی واقعہ کی مذمت کردی ہے۔