دبئی: اندر 19 ایشیاء کپ کے پہلے سیمی فائنل میں یو اے ای نے پاکستان کو 11 رنز سے شکست دے دی۔
دبئی میں کھیلے گئے ایونٹ کے پہلے سیمی فائنل میں پاکستان انڈر 19 کی ٹیم 194 رنز کے تعاقب میں 182 رنز بنا کر آؤٹ ہوگئی۔
پاکستان کی جانب سے کپتان سعد بیگ 50 اور آزان اویس 41 رنز بنا کر نمایاں رہے۔ عامر حسن 27، شاہزیب خان 11، محمد ذیشان 10، عرفات منہاس 8، ریاض اللہ 4، نجب خان 3، شمائل حسین اور عبید اللہ 0،0 رنز بنا کر آؤٹ ہوئے۔
یو اے ای کی جانب سے ایمن احمد اور ہاردک پائی نے 2، 2 جبکہ اومِد رحمان، دھروو پراشر اور عمار بادامی نے 1، 1 وکٹ حاصل کی۔