الیکشن کمیشن نے عام انتخابات کیلئے اپیلٹ ٹربیونلز لگانے کیلئے عدلیہ سے رجوع کرنے کا فیصلہ کیا ہے۔
تفصیلات کے مطابق الیکشن کمیشن نے چاروں صوبائی الیکشن کمشنرز کو مراسلے جاری کر دئیے ہیں۔
مراسلے میں کہا گیا ہے کہ ملک کی پانچوں ہائیکورٹس کے چیف جسٹس صاحبان سے رابطہ کیا جائے۔
ملک بھر میں عام انتخابات کیلئے اپیلٹ ٹربیونلز ہائیکورٹس کےججز پر مشتمل ہونگے۔
اپیلٹ ٹربیونلز میں ریٹرننگ افسران کے فیصلوں کو چیلنج کیا جا سکے گا۔
الیکشن کمیشن نے صوبائی الیکشن کمشنرز کوہائیکورٹس سے رجوع کرنے کی ہدایت کر دی۔