احتساب عدالت نے سابق وزیر فواد چوہدری کا کرپشن کیس میں مزید چھ روز کا جسمانی ریمانڈ منظور کرلیا۔
اسلام آباد کی احتساب عدالت کے جج محمد بشیر نے فواد چوہدری کے خلاف جہلم میں تعمیری منصوبوں میں خوردبردکیس کی سماعت کی جس سلسلے میں نیب نے 10روزہ جسمانی ریمانڈ مکمل ہونے پر سابق وزیر کو عدالت میں پیش کیا گیا۔
جب کہ ملزم کی جانب سے ان کے وکیل فیصل چوہدری نے دلائل دیے،دوران سماعت نیب پراسیکیوٹر نے کہا کہ پہلے 14روزہ جسمانی ریمانڈ مانگا تھا تو 10روزہ جسمانی ریمانڈ ملا تھا، بینکنگ ریکارڈ منگوایا ہے جس پر خوردبرد کا شک ہوا ہے۔
کنٹریکٹر کو بھی 2 جنوری کو طلب کیاگیاہے،نیب پراسیکیوٹر نے کہا کہ 16میں سے 8کنال کی زمین ملزم کے نام کی گئی، کنٹریکٹر نے فواد چوہدری نام 8کنال کی زمین کی، 2جنوری کو تعمیری منصوبوں سے منسلک 2افراد کو طلب کیا ہے۔
نیب کا کہنا تھا کہ ملزم سے مزید تفتیش کرنی ہے لہذا مزید 10روز کا جسمانی ریمانڈ دیا جائے تاکہ تفتیش مکمل کرسکیں،عدالت نے نیب پراسیکیوٹر کی جسمانی ریمانڈ کی استدعا پر مزید چھ دن کا جسمانی ریمانڈ دے دیا۔