الیکشن کمیشن نے تحریک انصاف کے انتخابی نشان سے متعلق پشاور ہائیکورٹ کے حکم امتناع کے خلاف نظر ثانی کی اپیل کر دی ہے۔
پشاور ہائیکورٹ میں دو درخواستیں الیکشن کمیشن کے وکیل کی جانب سے دائر کی گئیں، ایک درخواست میں پی ٹی آئی کے انٹرا پارٹی انتخابات اور انتخابی نشان سے متعلق عدالت سے فیصلے پر نظرثانی کی اپیل گئی ہے۔
دوسری درخواست میں عدالت سے استدعا کرتے ہوئے کہا گیا ہے کہ دو رکنی بینچ بناکر درخواست کو جلد سماعت کے لیے مقرر کیا جائے۔
واضح رہے کہ پشاورہائیکورٹ نے پی ٹی آئی انٹراپارٹی انتخابات اور انتخابی نشان سے متعلق الیکشن کمیشن کے فیصلے کو معطل کرتے ہوئے تحریک انصاف کا انتخابی نشان بلا بحال کیا تھا۔