اسلام آباد : نگراں وفاقی وزیر صحت ڈاکٹر ندیم جان نے کہا ہے کہ پاکستان میں پولیو کے 90 فیصد کیسز افغانستان سے امپورٹ ہو کر آئے ہیں۔
نجی ٹی وی پروگرام میں بات کرتے ہوئے انہوں نے کہا کہ نواز شریف کی صحت کا معاملہ وزارت صحت کے پاس نہیں آئے گا، ان سے متعلق معاملات سیاسی ہیں اور وہ چلتے رہیں گے۔ سیاستدان ہی اس معاملے کا جواب دیں گے۔
انہوں نے مزید کہا کہ ملک میں پولیو کے ہمارے اپنے کیسز 10 فیصد سے بھی کم ہیں پاکستان میں پولیو کے 90 فیصد کیسز افغانستان سے امپورٹ ہو کر آئے ہیں اور اگر بچوں نے ویکسین نہ لی تو باہر سے آیا ہوا وائرس بھی اپنا بن جائے گا۔