کیلیفورنیا: میٹا کی ملکیت والا انسٹنٹ میسجنگ پلیٹ فارم ایک ایسا فیچر متعارف کر رہا ہے جو آئی فون اور اینڈرائیڈ دونوں پر صارفین کو وائس نوٹ ‘ایک بار دیکھیں’ کے طور پر سیٹ کرنے کی اجازت دے گا، جیسا کہ ایپ پہلے ہی میڈیا کی دیگر اقسام کے لیے اجازت دیتی ہے۔
واٹس ایپ فیچر ٹریکر ویب بیٹا انفو کی ایک رپورٹ کے مطابق واٹس ایپ بیٹا صارفین کے لیے ایک نیا پرائیویسی فیچر متعارف کروا رہی ہے۔ واٹس ایپ صارفین ایپ پر اپنے رابطوں کو تصاویر اور ویڈیو بھیجتے ہوئے پہلے ہی ‘ایک بار دیکھنے’ کا آپشن منتخب کر سکتے ہیں۔ اب یہی خصوصیت وائس نوٹ کے لیے بھی آنے والی ہے۔