نیا پاکستان ٹوپی ڈرامہ تھا، عمران خان ڈکٹیٹر ، صدارتی نظام لانا چاہتے ہیں : پرویز خٹک

مالا کنڈ : پی ٹی آئی پارلیمنٹیرین کے چیئرمین پرویز خٹک کا کہنا ہے کہ چیئرمین پی ٹی آئی تمام ملکی پارٹیوں اور لیڈروں سے نفرت کرتے تھے۔

مالاکنڈ میں شمولیتی تقریب سے خطاب کرتے ہوئے پرویز خٹک نے کہا کہ چیئرمین پاکستان تحریک انصاف (پی ٹی آئی) کا نیا پاکستان ٹوپی ڈرامہ تھا، ان کا ساتھ نظام بدلنے کیلئے دیا مگر تمام نعرے جھوٹے تھے۔

انہوں نے مزید کہا کہ چیئرمین پی ٹی آئی اپنے علاوہ کسی کو نہیں مانتے، چیئرمین پی ٹی آئی ڈکٹیٹر ہے، وہ ملک میں صدارتی نظام لانا چاہتے ہیں۔

پرویز خٹک نے مزید کہا کہ ہم کسی پارٹی کے پیچھے نہیں گئے ہمت سے پارٹی بنائی، کوئی پارٹی انتخابی منشور پر عمل نہیں کرتی، پی ٹی آئی بتائے 4 سال میں کتنی ترقی آئی ہے؟ کہیں پر بھی انصاف نہیں، ہم عوام کو حقوق ان کی دہلیز پر دینا چاہتے ہیں۔