عالمی سطح پر تیل کی قیمتوں میں 2 فیصد اضافہ ہوا ہے اور نگران حکومت کی جانب سے اگلے ہفتے پیٹرول اور ڈیزل کی نئی قیمتوں کا اعلان متوقع ہے۔
رپورٹس کے مطابق پندرہ روزہ جائزے کے دوران پاکستان میں پیٹرول اور ڈیزل کی قیمتوں میں ممکنہ اضافے کے بارے میں قیاس آرائیاں ہیں۔ پچھلے جائزے میں متضاد رپورٹس منظر عام پر آئیں جن میں سے کچھ نے پیٹرول کی قیمتوں میں کمی کی تجویز دی اور کچھ نے اضافے کی پیش گوئی کی۔تاہم حکومت نے پیٹرول کی قیمتیں برقرار رکھنے کافیصلہ کیا تھا۔
سما کے مطابق عالمی سطح پر تیل کی قیمتوں میں 2 فیصد اضافے کے باوجود پاکستان میں پیٹرول کی قیمتوں میں اضافہ دیکھا جائے گا۔آج پاکستان میں پیٹرول کی قیمت 283.38 روپے فی لیٹر ہے جب کہ ڈیزل کی قیمت 304.05 روپے فی لیٹر ہے۔ پیٹرول کی یہ قیمت 15 نومبر تک برقرار رہے گی۔