کیلیفورنیا: ٹیکنالوجی کمپنی گوگل نے صارفین کو آئندہ ماہ سے جی میل اکاؤنٹ ڈیلیٹ کرنے کے آپریشن کے متعلق خبردار کرنا شروع کر دیا۔
اس آپریشن میں گوگل تمام ایسے نجی اکاؤنٹس کو ای میل، دستاویزات، اسپریڈ شیٹ، کلینڈر اپائنٹمنٹ، تصاویر اور ویڈیوز سمیت مستقل طور پر ڈیلیٹ کر دے گا جو کم از کم دو سال سے زیر استعمال نہیں ہوں گے۔
گوگل کی جانب سے یہ پالیسی رواں برس کے ابتداء میں متعارف کرائی گئی تھی جس کا اطلاق 2023 کے دسمبر سے ہونا تھا۔
گوگل کے پروڈکٹ منیجمنٹ کے نائب صدر روتھ کریشلی نے گزشتہ مئی میں بلاگ اسپاٹ میں لکھا تھا کہ کمپنی گوگل اکاؤنٹ کے لیے غیر فعلیت کی پالیسی میں دورانیے کو دو سال تک بڑھا رہی ہے۔
گوگل کی جانب سے یہ اقدام فعال صارفین کو فشنگ اسکیم (جعلسازی) اور اکاؤنٹ ہائی جیکنگ سے بچانا ہے۔
پُرانے اکاؤنٹ جو سالوں سے استعمال نہیں کیے جارہے ہیں وہ ہیکرز کا آسان ہدف ہو سکتے ہیں کیوں کہ ان کا ڈیٹا ڈارک ویب پر باآسانی دستیاب ہے۔
گوگل کے مطابق ہر وہ اکاؤنٹ جس کو ڈیلیٹ کیے جانے کا خطرہ ہوگا ان کو ڈیلیٹ کرنے سے قبل متعدد نوٹیفکیشن جاری کیے جائیں گے۔ جبکہ گوگل کی جانب سے بعض صارفین کو نوٹیفکیشن بھیجے جانے کا عمل شروع کیا جاچکا ہے۔