ہمانشی کھرانہ نے بریک اَپ کے بعد عاصم ریاض کی ‘چیٹ لیک’ کردی

بھارتی میڈیا کے مطابق حال ہی میں ہمانشی کھرانہ نے 4 سال تک قریبی تعلقات میں رہنے کے بعد عاصم ریاض کے ساتھ اپنے بریک اَپ کا اعلان کیا تھا، اُنہوں نے علیحدگی کی وجہ مختلف مذاہب اور عقائد کو قرار دیا تھا۔

بریک اَپ کی وجہ سے جاننے کے بعد مداحوں نے ہمانشی کھرانہ پر کڑی تنقید کی اور کہا کہ یہ مذہب کا خیال 4 سال پہلے کیوں نہیں آیا، اب اچانک 4 سال بعد مذہب کو علیحدگی کی وجہ سے قرار دینا درست نہیں۔

مداحوں کی تنقید کے بعد ہمانشی کھرانہ نے سماجی رابطے کی ویب سائٹ ایکس (سابق ٹوئٹر) پر اپنے آفیشل اکاوْنٹ پر ایک بیان جاری کیا جس میں اُنہوں نے کہا کہ “یہ میرا آخری بیان ہے کہ میں واضح کروں کہ میں سیکولر ہوں، اسی لیے میں کسی مذہب کی توہین نہیں کر رہی، میں نے صرف اپنا انتخاب کیا ہے”۔

ہمانشی کھرانہ نے کہا کہ “اگر میں اُن (عاصم ریاض) پر ہمارے بریک اَپ کا الزام نہیں لگا رہی تو پھر میرے خلاف بھی کوئی الزام تراشی نہ کرے، میں اپنے ماضی کے رشتے پر بھی خاموش رہی اور اب بھی وہی کوشش کررہی ہوں لیکن لیکن مجھے افسوس ہے کہ لوگوں نے میری بات کا غلط مطلب لیا”۔

مداحوں کی تنقید سے تنگ آکر ہمانشی کھرانہ نے اپنے سابق بوائے فرینڈ عاصم ریاض کے ساتھ انسٹاگرام چیٹ میں کی گئی بات چیت کا اسکرین شاٹ بھی سوشل میڈیا پر شیئر کیا گیا جس میں عاصم نے ہمانشی سے کہا تھا کہ وہ اُن کی علیحدگی کی وجہ ‘مذہبی اختلافات’ بتائے۔

ہمانشی کھرانہ نے عاصم ریاض اور اپنی چیٹ کا اسکرین شاٹ شیئر کرنے کے بعد عارضی طور پر ایکس کو خیرباد کہہ دیا۔

یاد رہے کہ 30 سالہ عاصم ریاض مقبوضہ کشمیر میں پیدا ہوئے تھے اور پھر بعد میں اپنے کیریئر کی خاطر ممبئی منتقل ہوگئے تھے، عاصم ریاض مسلمان ہیں اور پیشے کے اعتبار سے ماڈل اور اداکار ہیں جبکہ 32 سالہ ہمانشی کھرانہ کا تعلق ہندو مذہب سے ہے۔

واضح رہے کہ ہمانشی کھرانہ اور عاصم ریاض دونوں کو بگ باس سیزن 13 میں دیکھا گیا تھا اور شو کے دوران ہی عاصم ریاض نے ہمانشی کھرانہ سے اپنی محبت کا اظہار کیا تھا جس کے بعد ہمانشی نے بھی عاصم سے اپنی محبت کا اعتراف کرلیا تھا۔

بگ باس ختم ہونے کے بعد ہمانشی کھرانہ اور عاصم ریاض کی محبت میں مزید اضافہ ہوگیا تھا، دونوں اکثر سوشل میڈیا پر بھی ساتھ تصاویر پوسٹ کرتے تھے۔