اذان سمیع والد خلاف کوئی بات کرنے کو تیار نہیں

ایک پوڈکاسٹ میں گفتگو کرتے ہوئے گلوکار نے اپنے والدین عدنان سمیع اور زیبا بختیار سے اپنے مضبوط تعلق پر روشنی ڈالی ہے۔

پاکستانی گلوکار اور موسیقار اذان سمیع خان نے کہا ہے کہ ان کے والد چاہے پاکستانی ہوں یا انڈین وہ ان کے خلاف کبھی کوئی بات نہیں کریں گے۔
اپنے والد عدنان سمیع کی پاکستانی شہریت ترک کرکے انڈیا جانے کے ایشو پر گفتگو کرتے ہوئے گلوکار نے کہا کہ عدنان سمیع چاہے کوئی شہریت اختیار کریں وہ ان کے والد ہیں۔
اذان سمیع نے انکشاف کیا کہ متعدد مشہور افراد نے ان سے کہا کہ وہ اپنے والد یا انڈیا کے خلاف بیان دیں تو اس سے انہیں فائدہ ہوگا۔
گلوکار نے بتایا کہ وہ اپنے والدین کیلئے احترام کا رشتہ ہمیشہ برقرار رکھیں گے اور ان کے خلاف کبھی بھی بیان نہیں دیں گے۔