اسلام آباد : سپریم کورٹ میں نوے روز میں انتخابات کرانے اور فوجی عدالتوں میں سویلینز کے ٹرائل کا کیس سماعت کے لیے مقرر کر دیے گئے، کیسز کی سماعت 23 اکتوبر کو ہوگی۔
تفصیلات کے مطابق سپریم کورٹ نے نوے روز میں انتخابات کرانے اور فوجی عدالتوں میں سویلینز کے ٹرائل کا کیس سماعت کے لیے مقرر کر دیا۔
سپریم کورٹ کی جانب سے جاری کردہ کاز لسٹ کے مطابق نوے روز میں انتخابات کرانے کے کیس کی سماعت 23 اکتوبر کو چیف جسٹس قاضی فائز عیسٰی، جسٹس امین الدین خان اور جسٹس اطہر من اللہ کریں گے۔
گذشتہ روز چیف جسٹس قاضی فائز عیسیٰ نے پاکستان میں انتخابات اور فوجی عدالتوں کا کیس مقرر کرنے کا عندیہ دیا تھا۔
پاک عرب ریفائنری ملازمین کیس میں چیف جسٹس نے ریمارکس دیئے تھے کہ سپریم کورٹ میں عام انتخابات اور فوجی عدالتوں میں ٹرائل کےکیس مقرر ہونیوالے ہیں، مشکل مقدمات آنے والے ہیں اس دوران دیگرکیسزسننا مشکل ہو گا۔
ان کا کہنا تھا کہپ پریکٹس اینڈ پروسیجر ایکٹ کےفیصلےتک آرٹیکل ایک سو چوراسی تین کےمقدمات مقررنہیں ہو رہے تھے۔