عوام کو صحت کو بہترین سہولیات کی فراہمی پنجاب حکومت کی اولین ترجیحات میں شامل ہیں،اس سلسلہ میں حکومت پنجاب کی جانب سے صوبہ بھر میںصحت کے فروغ کے لئے اٹھائے گئے انقلابی اقدام اور خصوصی ہدایات پرٹوبہ ٹیک سنگھ میں چیف ایگزیکٹوآفیسرڈسٹرکٹ ہیلتھ اتھارٹی ڈاکٹر کاشف محمود کمبوہ کی زیر نگرانی ضلع بھر کے15صحت مراکز پربھر پور طریقہ سے ’’ہفتہ صحت‘‘ منایا گیا، ڈپٹی کمشنر محمد نعیم نے ڈسٹرکٹ ہیڈ کوارٹرز ہسپتال ٹوبہ ٹیک سنگھ میں لگائے گئے میڈیکل کیمپ کا افتتاح کیا۔ اس موقع پر ایڈیشنل ڈپٹی کمشنر( جنرل) احمد جواد سردار، ایگزیکٹوآفیسرڈسٹرکٹ ہیلتھ اتھارٹی ڈاکٹر کاشف محمود کمبوہ اور میڈیکل سپرنٹنڈنٹ ڈاکٹر کاشف باجوہ ، ڈسٹرکٹ انفارمیشن آفیسر محمد شہباز انصاری پرسنل اسسٹنٹ ٹو سی ای او (ہیلتھ)محمد فہیم ظفر، سمیت ڈاکٹرز اور پیرا میڈیکل اسٹاف کا عملہ اور طبی معائنہ کیلئے آنے والی عوام کی کثیر تعداد بھی موجود تھی ، ڈپٹی کمشنر نے طبی سہولیات کی فراہمی کے سلسلہ میں قائم کئے گئے تمام کاؤنٹرز کا معائنہ کیا اور وہاں پر آئے ہوئے مریضوں سے طبی سہولیات بارے استفسار بھی کیا،حکومت پنجاب کی جانب سے ’’ ہفتہ صحت‘‘ منانے کا مقصدعوام کیلئے آگاہی کا ایک سلسلہ تھا جس کے سلوگن ’’اپنی حفاظت کے لئے اپنی صحت کے بارے میں جانیں‘‘،’’ ہمیں خیال ہے آپکی صحت کا‘‘ اور’’ صحت مند زندگی کی جانب 8 قدم ‘‘تیار کئے گئے تھے اوراس ویژن کے تحت ڈسٹرکٹ ہیڈ کوارٹرز ہسپتال ٹوبہ ٹیک سنگھ سمیت تحصیل گوجرہ ،تحصیل کمالیہ اورتحصیل پیرمحل کے تحصیل ہیڈ کوارٹرزہسپتالوں،8رورل ہیلتھ سنٹرزجن میں316گ ب ، 394 گ ب،مونگی بنگلہ،نواں لاہور، رجانہ ، سندھیلیانوالی، اروتی، 740 گ ب اور 3 بنیادی مراکز صحت 299 گ ب ، 319 گ ب اور396 ج ب میں عوام الناس میں بیماریوں کی سکریننگ کیلئے خصوصی کیمپس لگائے گئے جہاں پر آنے والے شہریوں کا بنیادی معائنہ،کلینیکل ہسٹری،ہیماٹولوجیکل سکریننگ، پھیپھڑوں کی صحت اور ٹی بی سکریننگ، حاملہ خواتین کا معائنہ،حاملہ خواتین اور دو سال سے کم عمر بچوں کی ویکسی نیشن، کونسلنگ اور طبی سہولیات بارے رہنمائی دی گئی۔ چیف ایگزیکٹو ڈسٹرکٹ ہیلتھ اتھارٹی ڈاکٹر کاشف محمود کمبوہ نے’’اوصاف ‘‘ سے خصوصی گفتگو کرتے ہوئے بتایا کہ ٹوبہ ٹیک سنگھ ضلع بھر میں 23اکتوبر سے26 اکتوبر تک جاری رہنے والے ”ہفتہ صحت ”میں ان کا ٹارگٹ20200شہریوں کو اس خصوصی مہم میں صحت کی سہولیا ت فراہم کرنا تھا جبکہ ان کے پاس 23120 شہریوں نے اپنی رجسٹریشن کروائی اور ان کے مختلف بیماریوں کی تشخیص کیلئے ٹیسٹ کئے گئے جن میں 16297شہریوں کافزیکل چیک اپ ، 13087شہریوں کے (Serology)کے بلڈ ٹیسٹ، 2643شہریوں کے (TB)ٹیسٹ، 10382شہریوں کی (History & Counselling)کی گئی، 7452شہریوں کو ہیپاٹائٹس بی کی(Immunization)، 1720خواتین کے اینٹی نیٹل کیئر (ANC)چیک اپ ، 12008شہریوں کے (BSR)بلڈشوگر ٹیسٹ کئے گئے ، انہوں نے بتایا کئے شہریوں سے لئے گئے خون کے نمونوں کے دوران (Hepatitis)کے 903کیسز (Positive) جبکہ 13743کیسز (Negitive)پائے گئے ، انہوں نے بتایا کی ’’ہفت صحت ‘‘ کے دوران ان کی ٹیم کی جانب سے مقررہ اہداف سے زائد 114.46فیصد نتائج حاصل کئے جو ضلع ٹوبہ ٹیک سنگھ میں انکے ڈیپارٹمنٹ کی لگن سے عوامی خدمات کا منہ بولتا ثبوت ہے۔ ’’ ہفتہ صحت‘‘ کے اختتام پر ’’ہفتہ صحت ‘‘کے دوران بطور ڈیوٹی اپنی بہترین کار کردگی کا مظاہرہ کرنے اور 100 فیصد سے زائد ٹارگٹ پورا کرنے والے ڈاکٹرز و عملہ کے اعزاز میں خصوصی تقریب کا انعقاد بھی کیا گیا جس میں انہیں انکی بھر پور حوصلہ افزائی کیساتھ مبارکباد یتے ہوئے خصوصی یادگارخوبصورت سرٹیفکیٹس دیئے گئے،اس موقع پر ڈسٹرکٹ ہیڈ کوارٹر ہسپتال ٹوبہ ٹیک سنگھ کے میڈیکل سپرنٹنڈنٹ ڈاکٹر کاشف باجوہ اور ڈسٹرکٹ ہیلتھ آفیسر ڈاکٹر کاشف ندیم سمیت محکمہ صحت کے دیگر افسران بھی موجود تھے، واضع رہے گزشتہ دنوں جب وزیر اعلی پنجاب سید محسن نقوی چیف سیکرٹری پنجاب اور آئی جی پنجاب کے ہمراہ اچانک سرپرائز وزٹ پررات کوڈسٹرکٹ ہیڈ کوارٹرز ہسپتال ٹوبہ ٹیک سنگھ میں پہنچے تھے تو اس وقت بھی وزیراعلیٰ پنجاب نے ڈی ایچ کیو ہسپتال کے دورہ کے اختتام پرمیڈیا سے گفتگو کرتے ہوئے ہسپتال انتظامیہ کی جانب سے بہترین ایڈمنسٹریشن اور انتظامات پر میڈیکل سپرنٹنڈنٹ ڈاکٹر کاشف باجوہ کو تعریفی الفاظ کیساتھ شاباش دیتے ہوئے یہ کہا تھا کہ ٹوبہ ٹیک سنگھ بہترین انتظامات اور سروسز کیساتھ پنجاب بھر میں نمایاں مقام حاصل کئے ہوئے ہے جو یقیناً ٹوبہ ٹیک سنگھ کی ڈسٹرکٹ ہیلتھ اتھارٹی کیلئے ایک بڑے اعزاز کی بات ہے۔ صوبائی وزیر صحت ڈاکٹرجاویداکرم نے ’’اوصاف‘‘ سے خصوصی ٹیلیفونک گفتگو کرتے ہوئے بتایا صوبہ بھرکے سرکاری ہسپتالوں ، رورل ہیتھ سنٹرز ، بیسک ہیلتھ یونٹس سمیت دیگر صحت کے مراکزپر عوام کیلئے صحت کی سہولیات میں بہتری لانا نگران وزیراعلیٰ پنجاب سیدمحسن نقوی کے دل کی سب سے بڑی خواہش ہے،یہی وجہ کہ نگران وزیر اعلیٰ پنجاب سید محسن نقوی صحت کے شعبہ پر خاص توجہ مرکوز کئے عوام کوصحت کی ہر ممکن سہولیات فراہم کرنے کے سلسلہ میں بڑی دلچسپی کیساتھ انقلابی اقدامات کیلئے دن رات کوشاں ہیں۔

دہلی: تامل فلموں کی خوبرو اداکارہ رشمیکا مندانا کی نامناسب ڈیپ فیک (جعلی) ویڈیو کیس میں دہلی پولیس نے میٹا سے ویڈیو شیئر کرنے والے اکاؤنٹ کی معلومات مانگ لی۔

بھارتی میڈیا کے مطابق دہلی پولیس نے رشمیکا مندانا جعلی ویڈیو کیس میں تحقیقات کرتے ہوئے فیس بک، انسٹاگرام اور واٹس ایپ کی مرکزی کمپنی “میٹا” کو ایک خط لکھا ہے۔

میٹا کو لکھے گئے خط میں دہلی پولیس نے سوشل میڈیا پر رشمیکا مندانا کی جعلی ویڈیو شیئر کرنے والے صارفین کی معلومات مانگی ہے،  یہ اقدام دہلی پولیس کی جانب سے جعلی ویڈیو کی ایف آئی آر درج کرنے کے ایک دن بعد سامنے آیا ہے۔

اس کیس کی تحقیقات کرنے والے ایک آفیسر نے بھارتی میڈیا سے گفتگو کرتے ہوئے کہا کہ “ہم نے میٹا کو اس اکاؤنٹ کے یو آر ایل آئی ڈی (URL ID)  تک رسائی مانگی ہے جس اکاوْنٹ سے ویڈیو بنائی گئی اور شیئر کی گئی”۔

پولیس آفیسر نے مزید کہا کہ “ہم توقع کر رہے ہیں کہ ہم جلد ہی ملزمان تک پہنچ جائیں گے اور کیس جلد ہی ختم ہو جائے گا”۔

گزشتہ دنوں بھارتی اداکارہ رشمیکا مندانا کی لفٹ میں نازیبا لباس پہنے داخل ہوتے ہوئے ایک ویڈیو وائرل ہوئی تھی جس میں انہیں نامناسب انداز میں کپڑے تبدیل کرتے ہو ئے دکھایا گیا تھا، جو ویڈیو زارا نامی خاتون کی تھی، رشمیکا مندانا نے جعلی ویڈیو کو ’ انتہائی خوف زدہ ‘ کرنے والا عمل قرار دیا تھا۔

رشمیکا مندانا کی ویڈیو وائرل ہونے کے دو روز بعد ہی بالی ووڈ کوئین کترینہ کیف کی بھی آرٹیفیشل انٹیلیجنس (AI) سے تیار کردہ نامناسب جعلی تصویر سوشل میڈیا پر وائرل ہوگئی ہے۔